ATH lista yfir dómara má finna hér til vinstri á síðunni.

VIII. KAFLI – Reglur SSÍ um réttindi til að starfa við dómgæslu í sundkeppni og  viðhald dómgæsluréttinda
a)   Dómari og dómaranemi:       
Dómari þarf að hafa sótt námskeið sem haldið er af yfirdómara á vegum og ábyrgð SSÍ.  Bóklegur hluti námskeiðsins skal fjalla um starfsmenn sundmóta, ábyrgð þeirra sem og reglur FINA um sundaðferðir.

1.        Dómaranemi þarf að standast skriflegt próf úr bóklegum hluta námsins.  Prófúrlausnir skal senda til móta- tækni- og dómaranefndar SSÍ ásamt lista yfir þátttakendur og árangur þeirra.
2.        Dómarar fá starfsmannaskírteini útgefin af SSÍ.  Sá yfirdómari sem kennir á námskeiðinu skal undirrita kaflann 1.stig  tímavörður snúningsdómari.
3.        Til að verða fullgildur dómari þarf dómaranemi að safna a.m.k.  40 punktum á einu ári samkvæmt stigakerfi SSÍ.  Af þessum  40 punktum þurfa a.m.k 9 punktar að ávinnast á mótum SSÍ.  Þegar dómaranemi hefur náð tilskyldum fjölda punkta sendir hann ljósrit af starfsmannaskírteini til móta- tækni og dómaranefndar SSÍ ásamt beiðni um að hann verði skráður á dómaralista SSÍ.  Yfirdómari SSÍ getur skrifað undir kaflann 2. stig, tæknidómari, ræsir.
4.        Til þess að viðhalda almennum dómararéttindum þarf dómari að safna a.m.k.  50 punktum á tveggja ára tímabili þar af 15 punktum á SSÍ mótum auk þess að sækja eitt endurmenntunarnámskeið fyrir dómara á vegum SSÍ annars dettur viðkomandi út af lista SSÍ.
5.        Falli dómararéttindi úr gildi þarf að sækja endurmenntunarnámskeið fyrir dómara á  vegum SSÍ og safna 12 punktum á einu ári til þess að öðlast dómararéttindi á ný.

Stigakerfi Dómaranefndar SSÍ:

Dómarar safna punktum fyrir störf sem dómarar á sundmótum.
·        SSÍ mót og alþóðleg mót                 3 punktar fyrir hvern hluta                    
·        Opin mót                                        2 punktar fyrir hvern hluta
·        Héraðsmót                                      2 punktar fyrir hvern hluta
·        Innanfélagsmót                                2 punktar

Mót eru einungis viðurkennd hafi þau verið haldin samkvæmt reglum SSÍ og úrslitum mótsins ásamt mótaskýrslu hafi verið skilað á skrifstofu SSÍ á réttum tíma.

SSÍ gefur út dómaraskírteini til tveggja ára í senn.
SSÍ gefur úr lista yfir alla dómara, jafnt yfirdómara, dómara og dómaranema,  tvisvar sinnum á sundtímabili og sendir sundfélögum og deildum lista yfir dómara innan félaga.
-         Félögin yfirfara listann m.t.t. hverjir eru virkir við dómgæslu
-         Gefin er 30 daga leiðréttingarfrestur á dómaralista eftir að hann hefur verið sendur aftur til dómaranefndar.
-         SSÍ uppfærir dómaralista og birtir á heimasíðu SSÍ.
-         Félögin halda jafnframt lista yfir dómara innan sinna raða og birta hann á heimasíðum félagana.
-         SSÍ heldur utan um punktasöfnunina.
-         SSÍ bætir dómaranemum á lista við lok námskeiða.

§       SSÍ sendir upplýsingar um hverjir eru dómaranemar til aðildarfélaga að loknu hverju dómaranámskeiði hjá SSÍ.

Stjórn SSÍ  löggildir yfirdómara og uppfærir sérstakan yfirdómaralista.
-         Þjálfun yfirdómara er á ábyrgð SSÍ.

Ræsir:
·      Ræsir skal hafa dómararéttindi.

Tímatökustjóri / Yfirtímavörður:
·        Tímatökustjóri / Yfirtímavörður skal hafa dómararéttindi

Febrúar 2010