Undanfarið hefur verið umræða um hvað fréttir á heimasíðunni hafa verið og hvernig þær skiptast milli sundíþrótta.  Það er skemmst frá því að segja að fréttir af keppnissundi hafa verið í miklum meirihluta allra frétta eða uþb 65% af öllum fréttum.  Fréttir af öðrum sundíþróttum voru á árinu 2009 um 10% af fjölda frétta.  Fjórðungur frétta á síðunni tengdust SSÍ, LEN, FINA og NSF á einhvern hátt og eða voru tilkynningar og fréttir beint frá félögum. 

Samtals voru 357 fréttir settar á heimasíðu SSÍ árið 2009 og 228 þeirra tengdust keppnissundi beint.  Það væri mjög skemmtilegt að birta fréttir frá félögum og deildum.  Þess vegna er mjög mikilvægt að þeir sem skrifa fréttir og tilkynningar á síður félagana sendi okkur hjá SSÍ afrit þannig að við getum birt það á síðunni okkar eða vísað í eftir atvikum.  Þá má gjarnan senda okkur myndir og frásagnir af sundfólki sem td er í verkefnum á vegum síns félags.