Íslandsmet hjá Bryndísi og í boðsundi
12.04.2015
Nú voru undanrásir þriðja og síðasta dags ÍM50 í Laugardalslaug að klárast og þess ber hæst að geta að Bryndís Rún Hansen úr Óðni setti Íslandsmet í 50m flugsundi en hún synti á 27,03 en gamla metið átti Sarah Blake Bateman frá árinu 2012 og það var 27,32. Spennandi verður að sjá hvort Bryndís nái að verða fyrsta íslenska konan undir 27 sekúndur í úrslitunum í kvöld.
Í 4x50m skriðsundi í lok hlutans sigraði A-sveit SH og bætti þar eigið Íslandsmet. Þau syntu á 1:40,25 en gamla metið var 1:44,60 frá því í síðasta mánuði.
Sveitina skipuðu þau Predrag Milos, Ingibjörg Kristín Jónsdóttir, Aron Örn Stefánsson og Hrafnhildur Lúthersdóttir.
Einnig yfirsást undirrituðum drengjamet Brynjólfs Óla Karlssonar, Breiðabliki þegar hann bætti c.a. klukkutíma gamalt met sitt í fyrsta spretti í 4x100m fjórsundi í gærkvöldi. Þá fór hann á 1:02,75 og bætti þar “gamla” metið um 9/100 úr sekúndu.
Úrslitahlutinn í kvöld er síðasti hluti mótsins og í lokin verða veittir fjórir bikarar.
Pétursbikarinn er gefinn í minningu Péturs Kristjánssonar sundkappa úr Sunddeild Ármanns. Hann er veittur fyrir besta afrek karla skv. stigatöflu FINA frá lokum ÍM50 til og með næsta ÍM50 sem haldið er.
Kolbrúnarbikarinn er gefinn í minningu Kolbrúnar Ólafsdóttur, sundkonu úr Sunddeild Ármanns. Hann er veittur fyrir besta afrek kvenna skv. stigatöflu FINA frá lokum ÍM50 til og með næsta ÍM50 sem haldið er.
Sigurðarbikarinn er gefinn í minningu Sigurð Jónsson Þingeying og er veittur fyrir besta afrek í bringusundi á ÍM50 hvert ár skv. stigatöflu FINA
Ásgeirsbikarinn eða Forsetabikarinn eins og hann er stundum kallaður er gefinn í minningu Ásgeirs Ásgeirssonar, fyrrum Forseta Íslands. Gefandi er Forseti Íslands, Hr. Ólafur Ragnar Grímsson. Bikarinn er veittur fyrir besta afrek á ÍM50 hvers árs skv. stigatöflu FINA.
Sýnt verður beint frá hlutanum á www.sporttv.is og hefst keppni kl. 16:30.
Þar sem úrslitasíðan liggur niðri má sjá úrslitin frá 5. hluta, ráslista og dagskrá 6. hluta hér
Til baka
Í 4x50m skriðsundi í lok hlutans sigraði A-sveit SH og bætti þar eigið Íslandsmet. Þau syntu á 1:40,25 en gamla metið var 1:44,60 frá því í síðasta mánuði.
Sveitina skipuðu þau Predrag Milos, Ingibjörg Kristín Jónsdóttir, Aron Örn Stefánsson og Hrafnhildur Lúthersdóttir.
Einnig yfirsást undirrituðum drengjamet Brynjólfs Óla Karlssonar, Breiðabliki þegar hann bætti c.a. klukkutíma gamalt met sitt í fyrsta spretti í 4x100m fjórsundi í gærkvöldi. Þá fór hann á 1:02,75 og bætti þar “gamla” metið um 9/100 úr sekúndu.
Úrslitahlutinn í kvöld er síðasti hluti mótsins og í lokin verða veittir fjórir bikarar.
Pétursbikarinn er gefinn í minningu Péturs Kristjánssonar sundkappa úr Sunddeild Ármanns. Hann er veittur fyrir besta afrek karla skv. stigatöflu FINA frá lokum ÍM50 til og með næsta ÍM50 sem haldið er.
Kolbrúnarbikarinn er gefinn í minningu Kolbrúnar Ólafsdóttur, sundkonu úr Sunddeild Ármanns. Hann er veittur fyrir besta afrek kvenna skv. stigatöflu FINA frá lokum ÍM50 til og með næsta ÍM50 sem haldið er.
Sigurðarbikarinn er gefinn í minningu Sigurð Jónsson Þingeying og er veittur fyrir besta afrek í bringusundi á ÍM50 hvert ár skv. stigatöflu FINA
Ásgeirsbikarinn eða Forsetabikarinn eins og hann er stundum kallaður er gefinn í minningu Ásgeirs Ásgeirssonar, fyrrum Forseta Íslands. Gefandi er Forseti Íslands, Hr. Ólafur Ragnar Grímsson. Bikarinn er veittur fyrir besta afrek á ÍM50 hvers árs skv. stigatöflu FINA.
Sýnt verður beint frá hlutanum á www.sporttv.is og hefst keppni kl. 16:30.
Þar sem úrslitasíðan liggur niðri má sjá úrslitin frá 5. hluta, ráslista og dagskrá 6. hluta hér
