Fimmta hluta Smáþjóðaleikanna í sundi var að ljúka hér í Laugardalslaug og náðu allir þeir Íslendingar sem syntu í morgun inn í úrslit.  

Blossi, lukkudýr leikanna, kíkti á okkur og vakti mikla lukku meðal áhorfenda sem voru meðal annars fjöldi grunnskólabarna sem skemmtu sér konunglega.

Við gáfum einnig tvær viðurkenningar. Annars vegar til boðsundssveit Mónakó í 4x200m skriðsundi karla sem hafnaði í þriðja sæti í boðsundinu í gær. Þar sem reglur leikanna kveða á um að ef einungis þrjár sveitir eru skráðar í boðsund verði bara veitt verðlaun fyrir fyrsta og annað sæti. Hinsvegar veittum við Raymond Sassenrath, fararstjóra Lúxembourg á leikunum, viðurkenningarskjal og minjagrip en hann hefur verið fararstjóri á öllum Smáþjóðaleikum frá upphafi, 16 talsins.

50m skriðsund kvenna

Bryndís Rún Hansen 0:26,39mín. er önnur inn í úrslit.
Ingibjörg Kristín Jónsdóttir 0:26,71mín. er 3. inn í úrslit.

200m skriðsund kvenna

Inga Elín Cryer 2:06,66mín. og er fyrst inn í úrslit

200m skriðsund karla

Kristófer Sigurðsson 1:58,40mín. og er 6. inn í úrslit.
Daníel Hannes Pálsson 1:59,22mín. og er 7. inn í úrslit.

Bein úrslit fara svo fram í þessum greinum:

50m skriðsund karla

Alexander Jóhannesson og Ágúst Júlíusson

100m bringusund kvenna

 Hrafnhildur Lúthersdóttir og Jóhanna Gerða Gústafsdóttir

100m bringusund karla

 Anton Sveinn McKee og Viktor Máni Vilbergsson

4x100m fjórsund karla

Sveit Íslands

Við viljum sjá margmenni í stúkunum í kvöld og lofum heljarinnar stemningu.

Fyrir þá sem komast ekki verður hægt að horfa á streymi frá Hringbraut með því að smella hér.

Samantekt eftir hvern dag kemur inn morguninn eftir og má nálgast hér

Úrslit verða synt kl. 17:30 - 18:45.