ÍM25 lokið - 3 Íslandsmet og jöfnun á Íslandsmeti í dag
15.11.2015
Þriðja og síðasta degi Íslandsmeistaramótsins í 25m laug lauk nú síðdegis í Ásvallalaug. Við fengum áframhaldandi metaregn en 3 Íslandsmet voru slegið, 1 jafnað og 3 aldursflokkamet í dag.
Í morgun setti blönduð sveit Breiðabliks í pilta/stúlkna flokki met þegar þau syntu 4x50m skriðsund á tímanum 1:47,48min og bættu þar ársgamalt met sitt um 21/100 úr sekúndu. Sveitina skipuðu þau Elín Ylfa Viðarsdóttir, Ragnheiður Karlsdóttir, Brynjólfur Óli Karlsson og Daníel Már Kristinsson.
Eygló Ósk Gústafsdóttir, Ægi, bætti eigið Íslandsmet í 100m baksundi þegar hún synti á 58,40sek og bætti þannig ársgamalt met sitt í greininni um 18/100 úr sekúndu.
Hrafnhildur Lúthersdóttir úr SH setti þá Íslandsmet í 400m fjórsundi en hún sigraði greinina á tímanum 4:43,56min. Gamla metið var 4:46,36min og var í eigu Eyglóar Óskar. Hrafnhildur jafnaði svo eigið Íslandsmet í 50m bringusundi en hún sigraði greinina á tímanum 30, 67sek. Hún náði nákvæmlega sama tíma í Doha í ágúst í fyrra.
Brynjólfur Óli Karlsson, Breiðabliki, bætti við sig tveimur drengjametum þegar hann sló fimm ára gamalt met Kristins Þórarinssonar. Brynjólfur synti á 58,45sek en gamla metið var 59,01sek og í 50m flugsundi bætti hann einnig fimm ára gamalt með Kristins en Brynjólfur synti á 26,88sek en gamla metið var 27,22sek.
Þeir Kolbeinn Hrafnkelsson, Viktor Máni Vilbergsson Predrag Milos og Aron Örn Stefánsson skipuðu svo A sveit SH sem mætti Íslandsmetið í 4x100m fjórsundi en þeir syntu á 3:45,00min og bættu þar ársgamalt met sem þeir fjórir áttu einnig, 3:45,66min.
Þá láðist undirrituðum að segja frá því í gær að sveit ÍRB setti stúlknamet í 4x100m fjórsundi í úrslitahlutanum. Þær syntu á 4:24,78min sem er bæting á meti sem var einnig í eigu ÍRB frá 2013 – 4:28,74min. Sveitina skipuðu þær Íris Ósk Hilmarsdóttir, Karen Mist Arngeirsdóttir, Gunnhildur Björg Baldursdóttir og Sunneva Dögg Friðriksdóttir.
Það er ekki annað hægt en að vera hæstánægður með árangur sundfólksins okkar í lauginni sem og stemninguna sem myndaðist um helgina.
Nú tekur við uppskeruhátíð þar sem sundmenn og aðrir aðstandendur mótsins gera vel við sig í mat og drykk. Tilkynntir verða landsliðshópar á NM og EM og viðurkenningar veittar fyrir árangur á mótinu og þátttöku í landsliðsverkefnum á síðasta sundári.
Takk fyrir helgina allir saman – þið stóðuð ykkur gríðarlega vel.
Til baka
Í morgun setti blönduð sveit Breiðabliks í pilta/stúlkna flokki met þegar þau syntu 4x50m skriðsund á tímanum 1:47,48min og bættu þar ársgamalt met sitt um 21/100 úr sekúndu. Sveitina skipuðu þau Elín Ylfa Viðarsdóttir, Ragnheiður Karlsdóttir, Brynjólfur Óli Karlsson og Daníel Már Kristinsson.
Eygló Ósk Gústafsdóttir, Ægi, bætti eigið Íslandsmet í 100m baksundi þegar hún synti á 58,40sek og bætti þannig ársgamalt met sitt í greininni um 18/100 úr sekúndu.
Hrafnhildur Lúthersdóttir úr SH setti þá Íslandsmet í 400m fjórsundi en hún sigraði greinina á tímanum 4:43,56min. Gamla metið var 4:46,36min og var í eigu Eyglóar Óskar. Hrafnhildur jafnaði svo eigið Íslandsmet í 50m bringusundi en hún sigraði greinina á tímanum 30, 67sek. Hún náði nákvæmlega sama tíma í Doha í ágúst í fyrra.
Brynjólfur Óli Karlsson, Breiðabliki, bætti við sig tveimur drengjametum þegar hann sló fimm ára gamalt met Kristins Þórarinssonar. Brynjólfur synti á 58,45sek en gamla metið var 59,01sek og í 50m flugsundi bætti hann einnig fimm ára gamalt með Kristins en Brynjólfur synti á 26,88sek en gamla metið var 27,22sek.
Þeir Kolbeinn Hrafnkelsson, Viktor Máni Vilbergsson Predrag Milos og Aron Örn Stefánsson skipuðu svo A sveit SH sem mætti Íslandsmetið í 4x100m fjórsundi en þeir syntu á 3:45,00min og bættu þar ársgamalt met sem þeir fjórir áttu einnig, 3:45,66min.
Þá láðist undirrituðum að segja frá því í gær að sveit ÍRB setti stúlknamet í 4x100m fjórsundi í úrslitahlutanum. Þær syntu á 4:24,78min sem er bæting á meti sem var einnig í eigu ÍRB frá 2013 – 4:28,74min. Sveitina skipuðu þær Íris Ósk Hilmarsdóttir, Karen Mist Arngeirsdóttir, Gunnhildur Björg Baldursdóttir og Sunneva Dögg Friðriksdóttir.
Það er ekki annað hægt en að vera hæstánægður með árangur sundfólksins okkar í lauginni sem og stemninguna sem myndaðist um helgina.
Nú tekur við uppskeruhátíð þar sem sundmenn og aðrir aðstandendur mótsins gera vel við sig í mat og drykk. Tilkynntir verða landsliðshópar á NM og EM og viðurkenningar veittar fyrir árangur á mótinu og þátttöku í landsliðsverkefnum á síðasta sundári.
Takk fyrir helgina allir saman – þið stóðuð ykkur gríðarlega vel.
