Þá er öðrum keppnisdeginum í sundi lokið hér á Smáþjóðaleikunum í Svartfjallalandi. Veðrið á keppnisstað var miklu betra í dag, þurrt og smásólarglennur og laugin örlítið að ná sér upp 😊 í hita.

Dagurinn í dag skilaði Íslendingum þrennum gullverðlaunum, einum silfurverðlaunum, tvennum bronsverðlaunum, HM lágmarki og einni bætingu á tíma auk þess sem Anton Sveinn nánast tryggði sér farseðilinn til Tókýó 2020.

Gullverðlaun fékk Anton Sveinn McKee í 50 metra bringusundi og í 200 metra bringusundi þar sem hann synti á 2;10,41 sem er einungis 5/100 frá ÓL lágmarkinu, Eygló Ósk Gústafsdóttur fékk gullverðlaun í 100 metra baksundi þar sem hún náði HM lágmarki, Karen Mist Arngeirsdóttir náði silfurverðlaunum í 200 metra bringusundi, Kristinn Þórarinsson náði bronsverðlaunum í 100 metra baksundi og piltarnir í sveit Íslands í 4x200 metra skriðsundi/boðsundi nældu sér í bronsverðlaun fyrir það sund.

Jóhanna Elín Guðmundsdóttir bætti besta tíma sinn í 100 metra flugsundi um 4/100 úr sekúndu þegar hún kom í mark á tímanum 1:04,40.

Það má því segja að dagurinn í dag hafi verið góður hjá íslensku keppendunum.

Lárus Blöndal forseti ÍSÍ var á laugarsvæðinu og veitti verðlaun.

Annars voru úrslit dagsins sem hér segir:

Í 4x200 metra skriðsundi/boðsundi synti íslenska kvennasveitin á 1.braut og kom í mark á tímanum 8:38,47 sem skilaði þeim 4.sætinu. Sveitina skipuðu þær Bryndís Bolladóttir, Kristín Helga Hákonardóttir, Eydís Ósk Kolbeinsdóttir og Ragna Sigríður Ragnarsdóttir. Fínt sund hjá liðinu.

Í 4x100 metra skriðsund/boðsundi synti íslenska karlasveitin á 3.braut og kom í mark á tímanum 7;38,47 sem skilaði þeim í 3.sæti og bronsverðlaunum. Sveitina skipuðu þeir Þröstur Bjarnason, Kristinn Þórarinsson, Kristófer Sigurðsson og Patrik Viggó Vilbergsson.

Öll sund og verðlaunaafhendingar íslenska hópsins verða sett á Youtubesíðu SSÍ

Það fer vel um alla hér í Svartfjallalandi og viðurgjörningur er góður. Hér gista allir keppendur og aðrir sem leikunum koma í hótelaðstöðu sem helst mætti líkja við lítið og vinalegt þorp. Herbergin sem við fáum til afnota eru hrein og snyrtileg og maturinn fjölbreyttur, góður og vel útilátinn. Það er ýmislegt hægt að gera sér til afþreyingar hér inna þorps og í göngufjarlægð frá því, en sundhópurinn mun ekki láta á það reyna fyrr en eftir keppni á morgun sem er síðasti keppnisdagurinn í sundi og þá er dagskráin eftirfarandi.

Myndirnar eru teknar eftir að þau tóku við verðlaunum sínum í dag, boðsundssveitin, Karen Mist Arngeirsdóttir og Anton Sveinn McKee.

Meira síðar.