Síðastliðinn laugardag hittist Framtíðarhópur SSÍ á fyrirlestrum og æfingum í Laugardalnum.

Vaka Rögnvaldsdóttir, doktor í Íþrótta- og heilsufræði hélt fyrirlestur um næringu og góðar venjur auk þess sem Eyleifur Jóhannesson yfirmaður landsliðsmála fór yfir leiðina að árangri.

Eftir þetta rölti hópurinn niður í Laugardalslaug á æfingu þar sem fulltrúar frá þeim liðum sem áttu einstaklinga í hópnum tóku virkan þátt.

Til að loka deginum var hópnum skellt í rútu og efnt til keilumóts og boðið í pizzuveislu. 

41 ungt, áhugasamt og frambærilegt sundfólk tók þátt auk 8 félagsþjálfara.