Evrópumeistaramótið í 50m laug mun fara fram dagana 17.-23. maí nk. í Búdapest í Ungverjalandi. Alls hafa 5 einstaklingar náð tilskyldum árangri inn á mótið og flugu þau út 13. maí ásamt þjálfurum og fylgdarliði.

Eyleifur Jóhannesson yfirmaður landsliðsmála fer sem landsliðsþjálfari og fararstjóri og þá verður Björn Sørensen, þjálfari Snæfríðar með hópnum sem aðstoðarþjálfari. Unnur Sædís Jónsdóttir sjúkraþjálfari sér svo til þess að halda fólkinu okkar í toppstandi á mótinu. Hörður J. Oddfríðarson ritari SSÍ verður með hópnum út sem fjölmiðlafulltrúi en hann flaug til móts við hópinn í morgun.