Um helgina fór fram verklegi hluti þjálfraranámskeið SSÍ í nýju kerfi og gekk helgin ljómandi vel.

Þjálfarastig SSÍ-1[1] er byggt á þrepaskiptu menntunarkerfi World Aquatic þar sem markmiðið er að auka hæfni sundþjálfara, íþróttinni til framdráttar. Þjálfarastig SSÍ-1 er alþjóðlega viðurkennt námskeið í flestum löndum Evrópu.

Námskeiðið var að mestu kennt í fjarnámi fyrir utan verklega hlutann sem fram fór um helgina.

Að námskeiði loknu eiga þátttakendur að vera færir um að stjórna æfingum hjá byrjendum í sundi með aðstoð yfirþjálfara félagsins út frá „Long Term Development Plan“ SSÍ í Fasa 3: „Learn to Train“.

Það eru þeir Dr. Ingi Þór Einarsson og Ragnar Guðmundsson sem halda utan um þetta námskeið hjá SSÍ.