Evrópumeistaramótið í sundi hefst á morgun mánudaginn 17. júní í Belgrad í Serbíu og líkur sunnudaginn 23. júní. Mótið fer að þessu sinni fram í útilaug.

Sundfólkið hélt utan í gær og lætur vel af sér í góðu veðri í Belgrad. Sundsamband Íslands sendir að þessu sinni stóran og mjög vel skipaðan 7 manna hóp og verður það afar spennandi að fylgjast með öllu okkar besta sundfólki spreyta sig á sviðinu á EM50 í næstu viku.  

Sundsambandið á einnig dómara á mótinu en það er Ragnheiður Birna Björnsdóttir úr Sundfélagi Hafnarfjarðar.

Strax á fyrsta degi syndir Jóhanna Elín Guðmundsdóttir 100m skriðsund, Símon Elías Stakevicius 50m flugsund og Einar Margeir Ágústsson og Snorri Dagur Einarsson synda 100m bringusund.

Morgunhlutar hefjast kl 7:30 á íslenskum tíma en úrslitin hefjast kl 16:30 og verður mótið sýnt í beinni á RUV2 alla vikuna. 

EM50 hópurinn samanstendur af eftirtöldum einstaklingum:

Hægt er að fylgjast með úrslitum hér : https://www.len.eu/belgrade2024/live/#/athletic-sports-schedule/SWM/2024-06-17

Heimasíða mótsins : https://www.len.eu/belgrade2024/