Norðurlandameistarmót Æskunnar hélt áfram í morgun í Helsinki og hélt sundfólkið áfram að safna verðlaunum á mótinu. 

Ylfa Lind Kristmannsdóttir úr Ármanni tryggði sér sín önnur gullverðlaun þegar hún sigraði í 200m baksundi á tímanum 2.22,20, flottur árangur hjá Ylfu.  Sólveig Freyja Hákonardóttir úr Breiðabliki tryggði sér sín önnur bronsverðlaun þegar hún synti 400m skriðsund á tímanum  4:30, 54 og bætti tíma sinn um tæpa sekúndu. Hólmar Grétarsson nældi sér í sín þriðju verðlaun á mótinu þegar hann synti 200m fjórsund á tímanum 2:11,15, hann bætti tíma sinn um 3.5 sekúndu og varð í þriðja sæti.

Önnur úrslit :

Ásdís Steindórsdóttir 400m skriðsund 5 sæti

Hólmar Grétarsson 400m skriðsund 5 sæti

Magnús Víðir Jónsson 400m skriðsund 9 sæti

Ástrós Lovísa Hauksdóttir 200m baksund 5 sæti

Margrét Anna Lapas 100m bringusund 10 sæti

Sólveig Freyja Hákonardóttir 200m fjórsund 8 sæti

4x 200m skriðsund stúlkna 5 sæti.

Alls vann sundfólkið til 8 verðlauna á NÆM í ár, 4 gull og  4 brons sem er virkilega flottur árangur hjá unga og efnilega sundfólkinu okkar. Einnig var mikið um góðar bætingar og persónulega sigra.

Innilega til hamingju með þennan flotta árangur !