Hrafnhildur synti á 2.25.11 í umsundinu á móti Jinglin Shi frá Kína og beið lægri hlut og komst því ekki í úrslita sundið á morgun. Jinglin synti á 2.23.75
Engu að síður glæsilegur árangur hjá Hrafnhildi sem á eftir að synda 50m bringusund á laugardaginn og 4x100m fjórsund á sunnudaginn.
.jpg?proc=100x100)
Anton Sveinn Mckee synti nú í undanúrslitum 200m bringusund á tímanum 2.10.79 og varð númer 13, fyrstu átta komast í úrslit. Flottur árangur hjá Antoni.
Hann sett Íslandsmet í morgun 2.10.21. Anton er nú þegar komin með A-lágmörk fyrir ÓL 2016 í 100m og 200m bringusundi.
Hrafnhildur synti nú rétt í þessu 200m bringusund í undanúrslitum á HM50 í Kazan.
Hún synti á nýju íslandsmeti 2.23.06. Það urðu tvær jafnar í 7 sæti og þarf því Hrafnhildur að synda aftur eftir síðustu grein í kvöld ca kl 16.38 á ísl tíma, til að skera úr um hver fær áttunda sætið inn í úrslit. Hún syndir á móti Jinglin Shi frá Kína.Anton Sveinn Mckee var rétt í þessu að synda 200m bringusund á nýju íslandsmeti á tímanum 2.10.21. Hann átti sjálfur gamla metið 2.10.72. Anton er númer 10 inn í undanúrslit í dag.
A- Ól lágmarkið er 2.11.66, Anton er því komin með A-lágmark í 100m og 200m bringusundi.
Spennandi dagur framundan hjá íslenska liðinu, tveir í undanúrslitum í dag.Hrafnhildur var rétt í þessu að setja íslandsmet enn og aftur, hún synti 200m bringusund á tímanum 2.23.54 og er þriðja inn í undanúrslit í dag ! Hún átti sjálf íslandsmetið 2.25.39 sett á Smáþjóðaleikunum í júní. Hún hefur þegar náð A- lágmarki fyrir ÓL2016
Bryndís Rún Hansen var rétt í þessu að ljúka við sína fyrstu grein á Heimsmeistaramóti í sundi, hún synti á 56.87 og endaði í 45 sæti af 90 keppendum, besti tími hennar er 55.98 sem hún synti á Smáþjóðaleikunum í júní.
Íslandsmetið í greininni er 55.66 og það á Ragnheiður Ragnarsdóttir.
Eygló Ósk synti nú í morgun 50m baksund á tímanum 28.75, íslandsmetið á hún sjálf 28.61. Eygló varð í 23 sæti. Fínt sund hjá Eygló, en þess má geta að sú sem náði 16 sætinu sem er síðasta sætið inn í undanúrslit synti á 28.52.
Hrafnhildur var rétt í þessu að synda til úrslita í 100m bringusundi og varð sjötta á tímanum 1.07.10.
Frábær árangur hjá Hrafnhildi! .jpg?proc=100x100)
Eygló Ósk var rétt í þessu að synda í undanúrslitum á Heimsmeistarmótinu í Kazan, hún synti á tímanum 1.00.69 og varð í 15. sæti 
Hrafnhildur Lúthersdóttir var rétt í þessu tryggja sér sæti í úrslitum á Heimsmeistarmótinu í Kazan, Hrafnildur synti á tímanum 1.07.11 og varð áttunda inn í úrslit. Hún mun synda í úrslitum á annað kvöld.
Þetta er í fyrsta sinn sem að íslensk sundkona kemst í úrslit á Heimsmeistaramóti í 50m laug
Hrafnhildur var rétt í þessu að setja íslandsmet í 100m bringusundi og er sjötta inn í undanúrslit í dag. Hrafnhildur synti á 1.06.87 en gamla metið var 1.08.07, mikil bæting. Hrafnhildur syndir eins og Eygló Ósk í undanúrslitum í dag. Það verður gaman að fylgjast með þeim! Frábær árangur hjá þeim stúlkum í dag.Eygló Ósk sett nýtt íslandsmet og er komin í undanúrslit í 100m baksundi á HM50. Eygló synti á tímanum 1.00.25 en gamla metið var 1.00.89. Eygló kom níunda í mark og mun því synda í undanúrslitum í kvöld. Eygló náði einnig A- lágmarki á ÓL í RíÓ
