.png?proc=100x100)
Ragna María Ragnarsdóttir úr Ægi var að ljúka 100 metra skriðsundi í aldursflokknum 65-69 ára og bætti tímann sinn um rúmar 2 sekúndur þegar hún synti á 2:00,60. Um leið setti hún nýtt íslenskt garpamet en gamla metið hennar var 2:02,61 og var sett árið 2013.
Kári Geirlaugsson úr ÍA setti áðan nýtt garpamet í 100 metra skriðsundi í aldursflokknum 65-69 ára þegar hann synti á tímanum 1:15,00 sem er veruleg bæting á fyrra meti sem var 1:28,26 og Ingimundur Ingimundarson átti. Kári synti fallegt sund með þéttum tökum og hélt vel út allt sundið. Fínn árangur hjá Kára hér á EM garpa í London.
Rémi Spilliart úr Ægi lauk 50 metra flugsundi í aldursflokknum 55-59 á tímanum 35,88, sem er aðeins frá garpameti Guðjóns Guðnasonar en það er 34.32. Rémi var langfyrstur í sínum riðli og lét vel af sér að loknu sundi.Kári Geirlaugsson úr ÍA setti nýtt íslenskt garpamet í 400 metra skriðsundi hér á EM garpa í London. Hann syndir í aldursflokki 65-69 ára og synti greinina á 6:18,63 sem er mikil bæting á fyrra meti, en það var samkvæmt metaskrá SSÍ 9:50,63. Kári var nokkuð ánægður með sig eftir sundið og sagði það hafa tekist betur en hann þorði að vona.
Finni Aðalheiðarson úr Ægi setti nýtt garpamet í 100 metra bringusundi á EM garpa sem fram fer í London þessa vikuna. Hann syndir í aldursflokknum 45-49 ára og synti greinina á 1:20,92 sem er töluvert betra en hann átti fyrir samkæmt metaskrá SSÍ. Gamla metið hans er 1.22,18 sett árið 2014.
Mumma Lóa og Hildur Karen mættar til London. Finni og Kári synda í dag.
Finni Aðalheiðarson og Ragna María Ragnarsdóttir hafa nú dýft sér í laugina hér í London. Þau syntu bæði 50 metra bringusund. Finni setti nýtt garpamet í greininni í aldursflokknum 45-49 ára á tímanum 0:35,46. Gamla metið var frá 2014 0:35,70. Ragna synti á tímanum 1:10,33 í aldursflokkinum 65-69 ára sem er eitthvað frá hennar eigin meti sem er 1:06,89.
Þórunn Kristín Guðmundsdóttir gerði vel í 200 metra skriðsundi og synti á tímanum 2:56,94 sem er nýtt islenskt garpamet í hennar aldursflokki 45-49 ára. Gamla metið átti Hrund Baldursdóttir frá Selfossi 3:04,76 sem sett var árið 2013. Myndirnar sýna Þórunni fyrir sundið í lok sundsins og þegar hún uppgötvaði að hún hefði náð metinu.
Rémi Spilliart úr Ægi var rétt í þessu að setja nýtt garpamet í sínum aldursflokki á EM garpa í London. Tíminn hans er 2:41,04.
Kári Geirlaugsson ÍA synti í gær 800 metra skriðsund á Evrópumeistaramóti garpa sem fram fer í London. Kári synti á tímanum 13:05,07 og setti íslenskt garpamet í sínum aldursflokki sem er 65-69 ára.
Þórunn Kristín Guðmundsdóttir var að ljúka sundi í 800 metra skriðsundi á tímanum 12:42,32. Tíminn hennar er garpamet í hennar aldursflokki 45 - 49 ára. Myndin er af Þórunni í lokaundirbúningi fyrir sundið.
Nokkrir Íslendingar synda á EM garpa. Þar á meðal er hinn góðkunni Rémi Spilliaert, en hann synti í fyrstu grein í morgun 200metra fjórsund og bætti sig, fór á tímanum 3:16,47 sem er nýtt garpamet í hans aldursflokki 55-59 ára.
